घोराही १३ बडहरास्थित गोदावरी इङ्लिश मिडियम स्कुल (जेम्स) ले एक कार्यक्रमको आयोजना गरि सहिदको सम्झना गरेको छ ।
सहिद दिवसको अवसरमा प्लेकार्ड र ब्यानर बोकेका करिब ४०० बिद्यार्थीहरुको र्याली बिद्यालयबाट सुरु भई बडहराको परिक्रमा गर्दै हेलो टावर अगाडिको मैदानमा पुगि सभामा परिणत भएको थियो । उक्त सभालाई सम्बोधन गर्दै कार्यक्रमका प्रमुख अतिथि तथा घोराही उपमहानगर पालिका वडा नम्बर १३ का वडाध्यक्ष डुल्लुराम पोख्रेलले सहिदहरुको सम्झना गर्नु र सहिदहरुले देखाएको त्याग र बलिदानको पाठ आत्मसात गर्नु नयाँ पुस्ताको दायित्व भएको बताउनु भयो ।
एक दर्जन बढी बिद्यार्थीहरुले कबिता, वक्तृता तथा नाटक प्रस्तुत गरेको उक्त कार्यक्रममा बोल्दै बिद्यालयका प्रिन्सिपल हरिप्रसाद पौडेलले नेपालको सामाजिक तथा राजनितिक परिवर्तनमा लखन थापा देखि २०६२/६३ को आन्दोलन्सम्म आइपुग्दा सहिदहरुले बलिदानको इतिहास रचेको र अहिलेको पुस्ताले परिवर्तनको रक्षा गर्नुपर्ने बताउनु भयो ।
