अचम्मका कुरा

एजेन्सी । भारतको झारखण्डस्थित दुम्का गाउँमा रहेको एक विद्यालयका विद्यार्थीहरूले शिक्षकहरूलाई रुखमा बाँधेर कुटपिट गरेका छन् । आफूहरूलाई कम नम्बर दिएर फेल गराएको आरोप लगाउँदै उनीहरूले कुटपिट गरेको बताइएको छ । घटनाको जानकारी पाएका शिक्षा अधिकारी सुरेन्द्र हेबरामले शिक्षकहरूसँग कुराकानी गरेका छन् । घटनास्थलमा पुग्दा विद्यार्थीहरूले प्राक्टिकलमा एकदमै कम अंक दिइएको अनि शिक्षकहरूबाट उचित प्रतिक्रिया नपाइएको बताए भनी हेबरामले जानकारी दिए । कुटाइ खानेमध्येका एक शिक्षक कुमार सुमनले बताए, ‘विद्यार्थीहरूले हामीलाई बैठक गर्ने बहानामा बोलाए । आफूहरूको रिजल्ट बिग्रिएको गुनासो उनीहरूले गरे । उनीहरूको प्राक्टिकलको अंक रिजल्टमा जोडिएको रहेनछ । त्यो काम प्रधानाध्यापकले गर्नुपर्ने हो । हाम्रो यसमा केही दोष छैन ।’...

तनहुँ । तनहुँको बन्दीपुर गाउँपालिका–१ बानियाटारमा बुधबार साँझ सुवास परियारका तीन वर्षीय छोरा सुलभ परियारलाई चितुवाले आक्रमण गरी सख्त घाइते बनाएको छ ।  साँझ करिब ५ बजेको समयमा सोही ठाउँका हेमबहादुर रानाको खसीलाई चितुवाले आक्रमण गरेर घाइते बनाएपछि बालक परियारलाई समेत चितुवाले आक्रमण गरेको थियो । रानाले होहल्ला गरेपछि भागेको चितुवाले पुनः गाउँमा पसेर परियारलाई आक्रमण गरेको थियो । साँझ करिब ६ बजेको समयमा घरको पिँढीमा खेलीरहेका उनलाई चितुवाले तानेर लगेको जानकारी पाएको डिभिजन वन कार्यालयका प्रमुख कोमलराज काफ्लेले बताए ।  परियारलाई लैजान थालेपछि उनकी आमा लक्ष्मी पनि चितुवाको पछिपछि कुदेकी थिइन् । करिब ५० मिटर टाढा पुगेर छोरालाई खोसेर ल्याउन सफल भएकी स्थानीय प्रत्यक्षदर्शी वासु पन्थले जानकारी दिए । घाइते परियारको बन्दीपुर गाउँपालिका-४ डुम्रेस्थित मोती हेल्थ क्लिनिकमा प्राथमिक उपचार गरिएको थि...

सन् १६५६ को ज्यानुअरी ४ मा मध्यरात पर्न लाग्दा स्पेनी पानीजहाज ‘नुएस्त्रा सेन्योरा दे लास माराभियास’ (स्पेनी भाषामा हाम्री चमत्कारी महिला) को छतमा शान्ति थियो। त्यतिबेला समुद्रको आवाज र जहाजका पालमा हावाले हानिरहेको आवाज मात्र सुन्न सकिन्थ्यो। अहिलेको एक्वडोरनजिकै समुद्रमा चट्टान भएको क्षेत्रमा डुबेको अर्को विशालकाय जहाज ‘जीजस मारिया दे ला लिम्पिया कोन्सेप्शन’को भग्नावशेषबाट सङ्कलित चाँदी लिएर माराभियास स्पेनितर जाँदै थियो। तर केही क्षणमा अकस्मात् त्यहाँ ठूलो परिवर्तन आयो। जहाजहरूको उही समूहमा यात्रा गरिरहेको ‘नुएस्त्रा सेन्योरा दे ला कोन्सेप्शियोन’ नामक अर्को पानीजहाज माराभियाससँग ठोकिन पुग्यो। त्यसो हुँदा माराभियास चट्टानतिर धकेलियो। आधा घण्टाभित्र उक्त जहाज आन्ध्र महासागरको पीँधमै पुग्यो। उक्त जहाजमा भएका ६५० जनामध्ये केवल ४५ जनाको ज्यान जोगियो। नयाँ खोजी उक्त स्...