टिभी अभिनेत्री वैशाली ठक्करले सुसाइड नोट लेखेर गरिन् आत्महत्या
एजेन्सी । भारतीय टिभी अभिनेत्री वैशाली ठक्करले सुसाइड नोट लेखेर आत्महत्या गरेकी छिन् । सुसाइड नोटमा उनले आफू मर्नुपर्ने कारण उल्लेख गरेकी छिन् ।
नोटमा वैशालीले राहुल नवलानी र उनकी श्रीमती दिशा नवलानीले आफूलाई मानसिक यातना दिएको आरोप लगाएकी छन् । सुसाइड नोटकै आधारमा प्रहरीले दम्पतीविरुद्ध धारा ३०६ (आत्महत्याका लागि उक्साउने) मुद्दा दर्ता गरेको छ ।
प्रहरीले आरोपी राहुललाई आइतबार नै हिरासतमा लिएको छ । स्रोतका अनुसार प्रहरीले उनलाई घरबाटै पक्राउ गरेको हो । प्रहरीले सुसाइड नोट प्राप्त गर्दा राहुल घरमै थिए । अहिले प्रहरीले उनीसँग सोधपुछ गरिरहेको छ ।
वैशाली अभिनित ‘ये रिश्ता क्या कहलाता है’को सम्झना धेरैलाई छ । ’ससुराल सिमर का’ शोबाट अञ्जली भारद्वाज, जसले नकारात्मक भूमिकामा उत्कृष्ट अभिनेत्रीको लागि गोल्डेन पेटल अवार्ड पनि पाएकी थिइनु । दर्शकले वैशालीलाई सुपर सिस्टर मनमोहिनी सिजन २ मा पन...